Решавање системи линеарни равенки со две непознати

Задачи за примена на систем линеарни равенки со две непознати (ПРОБЛЕМИ)

1. Кои два броја имаат збир 37, а разлика 7?

2. Збирот на два броја е 48, а нивниот количник е 5. Кои се тие броеви?

3. Збирот од еден број и трикратната вредност на друг број е 112. Ако вториот број се подели со првиот се добива количник 2 и остаток 7. Кои се тие броеви?

4. Ако еден двоцифрен број се подели со збирот на своите цифри се добива количник 6 и остаток 6, ако бројот напишан со исти цифри, но во обратен ред се подели со разликата на тие цифри се добива количник 23. Кој е тој број?
Помош: Количник q на два броја х и y со остаток r, се запишува x:y=q и ост. r или во равенство x=qy+r

5. Периметарот на рамнокрак триаголник е 36 cm, а разликата од основата и половината на кракот е 11 cm. Пресметај ја плоштината на триаголникот.

6. Средната линија на трапесот е 20 cm. Пресметај ги основите ако нивниот однос е 3:7.

7. Една работа двајца работници можат да ја завршат за 24 часа. После 10 часа заедничко работење едниот работник се разболел, а другиот преостанатиот дел од работата го завршил за 35 часа. За колку часа би ја завршил работата секој работник сам?

8. Ако се измеша извесна количина вода и извесна количина ракија од 70% ќе се добие 24 литри ракија од 56%. Колку литри вода, а колку литри ракија ќе треба да се измешаат?

9. Ако брзината на еден воз се зголеми за 30km/h тој ќе стигне 2 часа порано од планираното време. Ако брзината се намали за 20km/h тогаш ќе задоцни 3 часа. Колкава е брзината на возот и колку пат треба да помине?

10. Во еден двор има јагниња и кокошки. Вкупно има 25 глави и 64 нозе. Колку јагниња и колку кокошки има во дворот?

IX1 и IX3 ги решаваат задачите 1,3,5,7и 9
IX2 и IX4 ги решаваат задачите 2,4,6,8 и 10

Дополнителна помош  во врска со начинот на решавање текстуални задачи и помош околу одредени видови задачи може да разгледате на следниот линк  , на страна 148,149,150,151

March 24, 2020 Tags : Математика 9 одд

Subscribe by Email

Follow Updates Articles from This Blog via Email