Историја 8 одд. Афирмација на националната мисла за создавање на македонската држава

Афирмација на националната мисла за создавање на македонската држава

Цели на часот:

- Да знаат за засилениот процес на афирмација на македонската национална свест

- Да знаат за најважните творци и творби на Македонците со кои се афирмирал македонскиот јазик и култура 

Развојот на македонската национална мисла и борбата за македонска држава

-Борбата за македонската национална посебност и независна македонска држава имала значаен развој во втората половина на XIX и почетокот на XX век. Овој процес го сочинувале две

компоненти:

- афирмација на македонската национална посебност

- борбата за независна македонска држава

- Македонската национална посебност била афирмирана со настојувањата за признавање на македонскиот јазик, култура и историја и барање за обнова на Охридската архиепископија

како македонска црква 

- Македонските интелектуалци биле предводници на процесот на национално будење и осознавање на македонскиот народ. Остварување на овие цели било полесно преку  

културно-просветна активност и преку востание (наидувале на пречки кај османлиската власт и соседните балкански држави)

Националната мисла на Крсте Петков Мисирков (1874-1926)

- К.П. Мисирков се залагал за признавање  на посебноста на македонскиот народ, за кодификација на македонскиот јазик и правопис и за обнова на Охридската архиепископија како македонска црква. 

- Највисок дострел во научната дејност на Мисирков претставува книгата „За македонцките работи „објавена кон крајот на 1903 г. во Софија. Книгата е објавена на македонски јазик со посебен правопис - врз научна основа се докажува посебноста на македонскиот народ и македонскиот јазик. Книгата била запленета од бугарските власти.

                                                              

 

Крсте Петков Мисирков

За Македонцките работи - факсимил

                                   

Националната дејност на Димитрија Чуповски (1878 - 1940) 

- Д. Чуповски бил основач и претседател на Македонското научно литературно другарство во 

Санкт Петербург (1902 - 1912) 

- Димитрија Чуповски објавил карта на Македонија во нејзините природни и етнички граници

- Испратил „Меморандум за независноста на Македонија„  до Лондонската мировна конференција, до големите сили и до владите на балканските држави

- Било издавано списанието „Македонски глас„

- Д. Чуповски починал во Русија 

- 1990 г. неговите мошти биле пренесени во Скопје

Домашна задача: Да се направи истражување за научната дејност на Крсте Петков Мисирков и значењето на неговата книга „За македонцките работи„ 

Изработената задача да се испрати на kate.avramoska@live. com

         

Историја 8 одд. Македонија во Балканските војни

Македонија во Балканските војни

Цели на часот: 

- Да знаат за учеството на Македонците во Балканските војни 

- Да ја согледаат окупацијата и поделбата на Македонија и соперништвото помеѓу балканските

држави

- Да знаат за Букурешкиот договор и неговите последици за Македонија и Македонскиот народ

Завојувачката политика на балканските земји кон Македонија

- Балканските држави Србија, Бугарија, Грција и Црна Гора во 1912 г. го формирале Балканскиот сојуз 

- Целта на Сојузот била протерување на Османлиите од Балканот и поделба на нејзините територии на Балканот

Поделба на Македонија во балканските војни

- Во Првата балканска војна (1912) на територијата на Македонија против османлиските сили војувале српската, грчката и бугарската војска

- Османлиските војски биле поразени и принудени на повлекување

- Македонија била окупирана и поделена помеѓу Србија, Грција и Бугарија

- Балканските земји не биле задоволни од поделбата

- Втора балканска војна (1913)

- Србија и Грција склучиле таен договор против Бугарија 

- Кон крајот на јуни 1913г. бугарската војска ги нападнала српските и грчките војски, но била поразена

-Најголемиот дел од Македонија го зазела Грција (Егејскиот дел на Македонија)

-На Србија и припаднала територијата на денешна Македонија (Вардарскиот дел на Македонија) без Струмица и околината,

останатиот (најмалиот) дел и припаднал на Бугарија (Пиринскиот дел на Македонија). Оваа поделба била потврдена со Букурешкиот мировен договор (10 август 1913) 

                                               Македонија по Првата балканска војна 

Учеството на Македонците во балканските војни 

- Првата балканска војна била прифатена од македонскиот народ како надеж за ослободување од османлиската власт (никој не помислил дека дека тоа е војна за поделба на Македонија)

- Македонците учествувале на страната на Балканскиот сојуз - организирани во

Македонско-одринско ополчение (доброволци)

- Особено активна била четата на Јане Сандански, кој влегол во Мелник пред доаѓањето на бугарската војска, а потоа и во Солун

- Војводата  Петар Чаулев пред српската војска влегол во Охрид

Барања за независна Македонија

- Во ноември  1912 г.  во Велес била одржана семакедонска конференција на иницијатива на 

Димитрија Чуповски  - се  разговарало за преземање на заедничка акција пред меѓународните сили за воспоставување на самостојна и независна  Македонија (овие планови биле попречени од  српските и бугарските сили и затоа Д. Чуповски се вратил во  Русија)

- Чуповски испратил Меморандум до големите сили и до Лондонската мировна конференција 

со него се бара воспоставување на самостојна и независна македонска држава во нејзините природни и географски граници. Овие идеи били пласирани преку весникот Македонски  глас 

Последици од балканските војни 

- Над Македонија била воспоставена тројна власт. Таа била поделена помеѓу Србија, Бугарија

и Грција, а еден мал дел бил приспоен кон новосоздадената албанска држава

- Многу градови и села биле целосно опустошени

- Населението било принудено на преселување

Домашна задача: Да се направи истражување за Букурешкиот мировен договор (август 1913)

Изработената задача да се испрати на kate.avramoska@live.com

Историја 9 одд. Иселеништвото од Македонија во светот по Втората светска војна

Иселеништвото од Македонија во светот по Втората светска војна

Цели на часот: 

- Да знаат за причините за миграциите на населението од Македонија

- Да знаат за најголемите миграциони центри на македонските граѓани и за начинот на живот и прилагодување на новата средина

- Да знаат за врските на иселениците со татковината

Причини за иселувањето од Македонија во светот

-Иселувањето од Македонија по Втората светска војна било од политички и економски причини

- Од политички причини најзначајно влијание имале: 

Граѓанската војна војна во Грција (1946-1949) и Резолуцијата на Информбирото

- Економските причини - изразени низ желбата за подобар живот

-Во периодот од 1965 до 1970 г. од СР Македонија се иселиле околу 22 илјади Македонци посебно од Битолскиот крај

- По Втората светска војна најмногу Македонци се иселиле во Австралија

- Денеска голем број Македонци живеат и работат во САД, Канада, Австралија, како и во    многу европски земји

Културно-просветно и национално политичко организирање

- Денес во светот постојат околу 600 иселенички друштва и други асоцијации

-Најбројна е организираноста во Викторија и Нов Јужен Велс во Австралија

Улогата на Македонската православна црква 

- Во прекуокеанските земји црковниот живот е организиран во две епархии: Американско-Канадска и Австралиска епархија со вкупно 34 црковни општини, два манастира и 

модерни црковни згради за духовна и културно- просветна активност

                                             Македонска православна црква во Торонто

Органската поврзаност на македонското иселеништво во светот со татковината

- Македонските иселеници се во постојани врски со татковината особено преку 

Матицата на иселеници од Македонија, која го издава месечното списание Македонија.

Нивниот интерес за животот и развојот на татковината се дел од деценискиот интерес за 

опстојување и активност како македонска етничка заедница, Тој взаемен интерес за запознавање произлегува од нашата органска национална, историска и духовна поврзаност.

Македонските иселеници се подготвени за секаква соработка со  Македонија.

Домашна задача : Да се одговорат прашањата од учебникот на страна 155.

- Да се истражува за Македонците во дијаспората и нивното значење за афирмирање на македонскиот јазик и македонското име. 

Домашната задача да се испрати на kate.avramoska@live.com

Историја 9 одд. Положбата на Македонците во соседните држави

Положбата на Македонците во соседните држави

Цели на часот:

- Да знаат за положбата на Македонците во Пиринска Македонија и за односот на бугарските власти кон нивните национални права и посебност

- Да знаат за положбата на Македонците во Егејска Македонија и за односот на грчката

политика кон признавањето на нивната национална посебност

- Да знаат за положбата на Македонците во Албанија

- Да ги споредуваат правата на Македонците во соседните држави во однос на правата на етничките заедници и во РМ

Македонците во Пиринска Македонија

- Со признавањето  на македонската нација во Пиринскиот дел на Македонија почнал таканаречениот период на културна автономија, период кога се афирмирале македонските национални и културно-јазични вредности

- Во 1947 г. македонскиот јазик бил воведен во наставниот процес

- По 1958 г. бугарската држава ја сменила својата политика во однос на македонското национално прашање

- Македонското име и македонскиот јазик биле забранети, а Македонците биле сметани за Бугари

- Македонците што давале отпор на новата бугарска политика на денационализација и асимилација биле испраќани во затвори

- Демократските процеси во Бугарија по 1990 г. со ништо не ја смениле бугарската политика

во однос на македонското прашање

- Македонското име и македонскиот јазик останале непризнати 

Македонците во Егејска Македонија

- По Втората светска војна (по договорот во Варкиза) македонското име и македонскиот јазик биле забранети во Егејска Македонија и сите национално - културни придобивки што ги постигнал македонскиот народ во текот на НОВ биле укинати

- Во 1944 г. се формирала Привремена политичка комисија на Македонците во Грција, а покасно се формирал Народноослободителен фронт на Македонците од Егејска Македонија

- 1945 г. се формирале првите македонски вооружени трупи со цел да го заштитат македонското население од теророт на грчките национални сили

- Судирот меѓу левите и десните политички сили во Грција прераснал во Граѓанска војна

(1946-1949)

- Учеството на Македонците во војната на страна на ДАГ (Демократска армија на Грција)

ја принудило КПГ да ги озакони националните права на  Македонците

-По поразот на ДАГ во 1949 г. македонското име и македонскиот јазик повторно биле забранети

- На  Македонците кои заминале во источноевропските земји им се одзело државјанството, 

им се забранило враќање во земјата и не им се признало правото на имот

Делот на Македонија под Албанија по Втората светска војна

- По 1944 г. со признавањето на македонската нација албанската држава го признала и постоењето на македонскиот јазик

- Биле отворени македонски училишта во реоните на Голо Брдо, Долна Преспа, Пустец

-Признавањето на НР Албанија во 1967 г. за прва атеистичка држава предизвикало последици и врз Македонците и бил забрзан процесот на на денационализација и асимилација  на неалбанското население

- Во периодот на режимот на Енвер Хоџа  Македонците биле принудени да ги албанизираат

своите имиња и презимиња, а македонската топонимија постепено почнала да исчезнува.

Домашна задача: Да се одговорат прашањата од учебникот на страна 152

- Да се направи истражување  за владеењето на Енвер Хоџа во Албанија 

Изработените задолженија да се испратат на kate.avramoska@live.com

Математика за 7одд.

Математика 6 одд 02.06.2020 Писмена Работа

На 02.06.2020 Писмена Работа

Англиски јазик – Второ одделение - Story - I’ve got a hamster - Ивана Самојловска

Story: I've got a hamster

9. Listen and answer.

hamster - хрчак

***Препишете го прашањето во тетратка, одговорете го и нацртајте што најмногу ви се допадна од приказната.

*Does Mickey like hamsters? ______________________________

Ivana · Трек 25

Историја 8 одд. Македонија во времето на Младотурската револуција

Македонија во времето на Младотурската револуција

Цели на часот:

- Да знаат за учеството на Македонците во Младотурската револуција и во нејзината одбрана

- Да знаат за политичкото организирање и делување на Македонците во периодот на младотурците

Причини за избувнување на Младотурската револуција во Македонија

- Султанскиот апсолутизам и лошата општествено-економска и политичка ситуација во Македонија - идеална почва за прифаќање на Младотурската револуција

- Незадоволство од султановиот режим имало кај македонскиот народ и кај напредните османлиски средини

- Македонија - центар на младотурското движење

Одгласот и подршката на Младотурската револуција во Македонија

-Младотурската револуција била прифатена и подржана од истакнати македонски револуционери - Јане Сандански

- Сандански во Солун издал „Манифест до сите сонародници во империјата„

- Поддршка на Младотурците од македонски револуционери за време на султанската контрареволуција 1909 г.

Појава на политички плурализам во Македонија

- Формирање на политички партии

- Во 1909 г. формирана Народна федеративна партија (НФП) на чело со Димитар Влахов

- НФП се залагала за решавање на аграрното прашање и за бесплатно образование

- Димитар Влахов пратеник на НФП во османлискиот парламент

                                                                    Димитар Влахов

- Формиран Сојуз на бугарските конституциски клубови во Македонија - приврзаници на  

спротивното крило на ВМОРО кои биле пробугарски ориентирани

- Се појавиле албански  политички клубови

- Појава на синдикални и работнички здруженија

Заострување на младотурскиот режим

-Ограничување на правата и слободите

  

Домашна задача: Да се направи истражување за Манифестот на Јане Сандански  

Истражувањето да се испрати на kate.avramoska@live.com

Историја 8 одд. Положбата на Македонија по востанието

Положбата на Македонија по востанието

Цели на часот:

- Да знаат за задушувањето и последиците од Илинденското востание

- Да знаат за односот на големите сили кон положбата во Македонија

- Да го воочат делувањето на туѓите вооружени пропаганди во Македонија

Последици од востанието

- Бројот на загинати ја надминал бројката од 5000 души, а 15000 други биле затворени

- Над 250 населени места биле опожарени и околу 70000 луѓе останале без покрив над 

 глава и поради тоа морале да заминат во соседните држави, во Европа и Америка

Мирцштегските реформи

- Октомври 1903 г. императорите на Русија и Австро-Унгарија се сретнале во гратчето Мирцштег. Затоа  донесените реформи биле наречени Мирцштегски реформи

- Реформите предвидувале промени во османлиската жандармерија, администрација, судството, финансиите

- Реформите требало да се спроведуваат под контрола на претставници од европските земји

(Османлиската империја била должна да обезбеди финансиска поддршка)

- Македонскиот народ не почувствувал подобрување на својата положба 

  

Положбата во Организацијата по Илинденското востание

-Полемика за идната поставеност на Организацијата:

- Демократизација и децентрализација на Организацијата 

-Задржување на дотогашниот централистички систем

Рилски конгрес

-Октомври 1905 г. бил одржан општ конгрес на Организацијата во Рилскиот манастир

-Конгресот усвоил нов Устав и Правилник

- ТМОРО била преименувана во ВМОРО - Внатрешна македонско-одринска револуционерна 

организација

- За децентрализација и демократизација на Организацијата се залагале Ѓорче Петров, Пере 

Тошев, Јане Сандански 

- Бил избран нов ЦК (Даме Груев, Пере Тошев и Тодор Поп Антов)

-За задгранични претставници биле избрани Ѓорче Петров, Петар Поп Арсов и Димитар

Стефанов 

- Редактор на весникот „Револуционерен лист„ бил Димо Хаџи Димов

- Конгресот ги осудил странските пропаганди и дејноста на Врховниот комитет

                                                                  Рилски манастир

                                               

Вооружените пропаганди во Македонија

- Засилување на српската, грчката и бугарската пропаганда - добиле вооружен карактер

- Пропагандите извршиле поделба и омраза меѓу населението во Македонија

- Пропагандите биле нов непријател на Организацијата

Домашна задача: Да се направи осврт на текот и одлуките на Рилскиот конгрес

- Да се направи истражување за улогата на Јане Сандански на Рилскиот конгрес

   

Изработената задача да се испрати на kate.avramoska@live.com

Информатика 7 одд

структура за повторување на циклус дури е исполнет услов

WHILE loops

Во прилог ви го прачам PDF документот  [LINK], Во овој докумен убаво ви е објаснета наставната содржина Структура за повторување на циклус дури е исполнет услов (while loops) Ќе си ја порчитате убаво.

Во тетратка ќе ги запишете само поважните работи од наставната содржина и страна по страна, како и ова што ви е со точки наброено, а додека прашањата (задачи) кои се со реден број треба да ги напишете (изработите) во online компајлерите:

• Препиши го наслов (страна 1).
• Препиши ја втората страна.
• Препиши ја третата страна како што е на страницата.
• Препиши ја четвртата страна сликите и дијаграмот.
• Препиши ја шестата страна како што е на страницата.
• Препиши ја седмата страна како што е на страницата.
• Препиши ја деветата страна како што е на страницата.

1. Во online компајлерот напиши (препиши) го кодот од сликата на (3 страна), каде на екран се пишуваат броевите од 1 до 10 се додека не се исполни условот за повторување  (сликај го кодот и резултатот и парати ми го).

2.. Во online компајлерот напиши (препиши) го кодот од сликата на (4 страна), каде на екран се пишуваат знакот "А" се додека не се исполни условот за повторување  (сликај го кодот и резултатот и парати ми го).

3. Во online компајлерот самостојно изработи го кодот кој е надополнување на претходниот код.           Објаснување имаш на страна 5 (сликај го кодот и резултатот и парати ми го).

4. Во online компајлерот напиши (препиши) го кодот од сликата на (6 страна), програма која на екран ќе ја повторува фразата. (сликај го кодот и резултатот и парати ми го).

5. Во online компајлерот напиши (препиши) го кодот од сликата на (7 страна), програма која ги испишува броевите наназад и корисникот внесува број од кој ќе почне одбројувањето. (сликај го кодот и резултатот и парати ми го).

6. Во online компајлерот самостојно изработи го кодот кој е надополнување на претходниот код.           Објаснување имаш на страна 8 (сликај го кодот и резултатот и парати ми го).

7. Во online компајлерот напиши (препиши) го кодот од сликата на (9 страна), програма која беше дадена во прошлата домашна програма за влез и излез на податоци (сликај го кодот и резултатот и парати ми го).

!!Важно!!! Сите кодови да бидат убаво сликани и во сликата да го има резултатот (долен дел) од компајлерот.

• Линкови за online компајлер за C++      C++Shell    LINK http://cpp.sh/  
• И     LINK    https://www.onlinegdb.com   кој е многу подобар бидејќи првиот знае да успори (закочи).                                         
• И двата online компајлери функционираат на мобилен телефон и таблет.

Испратите на емаил: petarbratstvo@gmail.com Или доколку немате емаил ќе ме најдете на facebook како Petar Ristoski и ќе ми ја испратите по порака на mesenger.

!!Важно!!! Рокот за доставување на домашната работа е до СРЕДА 03.06.2020 до 20:00 часот

Математика за 8одд.

Математика за 7одд.

Англиски јазик – Трето одделение - Pancake Day - Ивана Самојловска

Pancake day

1. Listen and read.

Слушајте го аудио записот повеќе пати и вежбајте читање.

2. Listen and repeat.Then listen and point.

Слушајте го аудио записот и повторувајте ги новите зборови. А потоа гледајте ја постапката како се прават палачинки, слушајте и покажувајте. Слушајте го аудио записот повеќе пати и повторувајте.

***За домашна во тетратка препишете ги зборовите  по три пати на англиски.

Ivana · NEA Glo L1 Tk3.42

Видови на речници

      На стр. 45 од учебникот има лекција со наслов „Видови речници“. Прочитајте за видовите на речници тука, но би сакал да ви обрнам внимание на неколку работи што се разликуваат од напишаното во учебникот:

      Во принцип, имаме два вида на речници: енциклопедиски и лингвистички.

      Енциклопедиските речници даваат исцрпни податоци за поимите од областа на нашиот живот и ги објаснуваат. Во енциклопедискиот речник ќе бараме некој збор ако ни е непознат и ако првпат слушаме за него. Пример за обработка (објаснување збор во енциклопедиски речник: експозе (од француски ј. expose) - извештај, излагање, прикажување на некоја состојба. На пример, извештај што некој министер го поднесува на собранието во врска со некое важно прашање.

      Лингвистичките речници ги објаснуваат речничките единици (зборовите) во врска со нивното значење, употреба и потекло. Така, за нас најважни лингвистички речници се еднојазичните (толковни) и повеќејазични (преведувачки) речници.

      Секој јазик има свој толковен речник во кој се собрани зборовите што се во употреба. Така и нашиот јазик има свој толковен речник што ги содржи нормираните зборови според правилата за употреба. 

      Пример за обработен збор од толковниот речник на македонскиот јазик, колку за илустрација и претстава како се обработува и се објаснува збор во толковен речник: 

рака 

мн. раце

Вид збор: Именка, женски род

1. Секој од двата горни члена на човека; делот од зглобот до врвовите на прстите.

Употреба: Анатомија

Примери:

Останал на гробот со прекрстени раце.

Му бакна рака на попот.

Со нож в рака.

2. Човек како работник.

Употреба: Преносно значење

Примери:

Минува низ многу раце.

Цврста рака се бара.

3. Како симбол на трудот за означување на квалитетот, вештината на некој мајстор.

Примери:

Се гледа - уметничка рака.

вешта рака

4. власт, посед

Употреба: Преносно значење

Примери:

Избега од рацете на непријателот.

Тешко тебе ако се најдеш во негови раце.

5. Имотна состојба или општествена положба на некого.

Примери:

Тука има луѓе од секоја рака.

Слично со: состојба (ж.)

6. Момент, етапа при берење или обработка на нешто.

Примери:

Го завршивме берењето на првата рака од тутунот.

7. помош, поткрепа

Примери:

Тука се очекува мојата рака.

Слично со: поткрепа (ж.)

Изрази

Во најмала рака - најмалку.

Во некоја рака (раце) на некого е (се наоѓа).

Врзан (фатен) е во рацете.

Врзе рацете некому - не може да делува.

Горе рацете!

Десна рака е некому - голема помош.

Дига (крева) рака - гласа со кревање рака.

Дига (крева) рака - дава знак со рака дека сака да зборува.

Дига (крева) рака на (против) некого.

Дига (крева) рака (раце) од некого или од нешто - се откажува.

Долна рака; дупена рака; здрава (тврда, цврста).

Извалка рацете, со крв.

Измие рацете - невин.

Има долги раце - големо влијание.

Има златни раце - добар мајстор

Има лесна рака - работи лесно и брзо.

Има лесна рака - по народното сфаќање - постави успешен почеток на нешто.

Има полни раце работа.

Мавне со рака - поздрави.

Минува низ раце(те) на некого.

Му се тресе раката (како на Евреин).

На брза рака; на своја рака.

Носи некого на раце.

Одврзе рацете некому - му даде слобода.

Од втора (трета и сл.) рака - од втор пат.

Оди, иде (се враќа), остане со празни раце;.

Оди некому од (по) рака.

Оди под рака.

Остане (како) без раце.

Падне в рака (раце) некому.

Плукне на рацете - се зафати за работа.

Под рака; подаде рака; појде од рака;

Полни очи - празни раце.

Пред, на рака (каже, направи и сл.)

Рака му цутела! - (благослов)!

Раката не е кантар, па да може точно сѐ да измери.

(посл.) Своја рака како што чеша, туѓа не може.

(посл.) Со гола рака змија не се фаќа.

Со две раце (со раце и со нозе) потпишува, гласа и сл.

Стави (тури, кладе) рака на нешто.

Изведенки

рачиште ср.
мн. рачишта

      Примеров е земен од дигиталниот толковен речник на македонскиот јазик: http://www.makedonski.info

      Пример за обработен збор од повеќејазичен речник на македонскиот јазик, колку за илустрација и претстава како се обработува и се објаснува збор во повеќејазичен (конкретно двојазичен) речник: 

harvest (ha:vist) - жетва, берба, плод, летина; жнее, собира плодови.

За домашна равота: обработете по еден пример за збор во енциклопедиски и лингвистички (еден збор во толковен и еден во двојазичен речник.
(За утре, петок, 29 мај до 20ч. на e-mail boged@mail.com)