Историја 8 одд. Илинденско востание

Илинденско востание

Цели на часот: 

- Учениците да знаат за причините, поводот и подготовките за подигање на востанието;

- Да знаат за солунските атентати;

- Да знаат за подигањето и текот на востанието. 

Причини за востанието 

- Во почетокот на XX век положбата на македонскиот народ воопшто не била подобрена. ТМОРО ја ширела ослободителната идеја и го подготвувала населението за востание. 

- Османлиската власт применувала остри мерки за да го спречи ослободителното движење, што го продлабочило незадоволството. 

- Положбата посебно се влошила по врховистичките провокации за востание во Македонија од 1902 г. 

- Идејата за востание ја проповедал претседателот на ЦК на МРО - Иван Гарванов. 

Солунскиот конгрес 1903 година и прашањето за востание 

- Во јануари 1903 г. во Солун бил одржан конгрес по барање на И. Гарванов. 

- На овој конгрес не присуствувал ниту еден од истакнатите дејци на ТМОРО, меѓутоа била донесена одлука за општо востание. 

- Гоце Делчев, Ѓорче Петров и други сметале дека не постојат поволни услови за општо востание и предлагале да се засилат дејствата на четите, без да се прогласува востание. Нивните обиди биле безуспешни и во текот на овие напори Гоце Делчев загинал. 

Солунските атентати

- Солунските атентати биле дело на неколкумина младинци наречени гемиџии, кои имале за цел да го свртат вниманието на Европа кон Македонија. 

- Во Солун бил запален францускиот брод ,, Гвадалкивир'',  била минирана ,,Отоманската банка', поштата и гасната станица' . Поради тоа османлиските власти извршиле жестока одмазда врз невиното насление.

                                                                        Гвадалкивир 

                                                                  

Подготовки за востанието во Битолскиот револуционерен округ 

- На Смилевскиот конгрес во мај 1903 г., била донесена одлука за востание во Битолскиот револуционерен округ. 

- За изведување на востанието бил формиран Главен штаб во кој влегле Даме Груев, Борис Сарафов и Анастас Лозанчев. 

- Бил изработен и Востанички дисциплински устав. 

- Главниот штаб одлучил востанието да започне на празникот ,,Св. Илија'', ноќта 2-ри спроти 3-ти август и затоа е наречено Илинденско востание.                                                                                                                                                                                                                                                                                           

                                                                                                                             

                  

                                                                                                                                                                                                                                                                                                                  Борис Сарафов
                                                                                                                                               
                                           




               Даме Груев                                          

           
                                                                  Анастас Лозанчев        
                           

                                  

Илинденското востание во Битолскиот револуционерен округ

- Со палење на востанички огнови, биење на камбаните, уништување на телефонските и телеграфските линии и напади на врз населени места бил означен почетокот на востанието.

- Значајни успеси востаниците постигнале во Костурско и Леринско. 

Востанието во другите окрузи

- Во Солунскиот, Скопскиот и Струмичкиот револуционерен округ не дошло до масовно востание. 

- Востанието во Серскиот револуционерен округ започнало на Крстовден (27-ми септември). 

Домашна работа: да се одговорат следниве прашања:

- Во какви околности се одржал Солунскиот конгрес на ТМОРО? 

- Кој ги организирал и ги извел солунските атентати? 

- Зошто Гоце Делчев бил против кревање на востание? 

- Кој го раководел Смилевскиот конгрес?

- Каков бил текот на востанието? 

Домашната работа да се испрати на kate.avramoska@live.com

May 11, 2020 Tags : Историја 8 одд , Историја 9 одд

Subscribe by Email

Follow Updates Articles from This Blog via Email